அரூர் அருகே டிராக்டர் கவிழ்ந்து விவசாயி சாவு

அரூர்:

அரூர் அருகே உள்ள டி.அம்மாபேட்டையை சேர்ந்தவர் சரவணன் (வயது 50). விவசாயி. இவர் நேற்று முன்தினம் தனது நிலத்தை உழவு செய்வதற்காக டிராக்டரை ஓட்டி சென்றார். அப்போது வரப்பில் ஏறும்போது டிராக்டர் கவிழ்ந்தது. இதில் டிராக்டரின் அடியில் சிக்கி சரவணன் படுகாயம் அடைந்தார். அவரை அக்கம் பக்கத்தினர் மீட்டு அரூர் அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி சரவணன் பரிதாபமாக இறந்தார். இதுகுறித்து கோட்டப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.