குருபரப்பள்ளி அருகே, விபத்தில் கல்லூரி மாணவர் பலி - நண்பர் படுகாயம்

குருபரப்பள்ளி,

கிருஷ்ணகிரி மாவட்டம் சூளகிரி அருகே உள்ள தியாகரசனப்பள்ளி கிராமத்தை சேர்ந்தவர் மணி. இவரது மகன் நவீன்குமார் (வயது 19). கிருஷ்ணகிரியில் உள்ள அரசு கலைக்கல்லூரியில் பி.ஏ. இறுதியாண்டு படித்து வந்தார்.

இவரும், இவரது நண்பரான தனியார் கம்பெனியில் வேலை பார்க்கும் மகேஷ் (20) என்பவரும் மோட்டார் சைக்கிளில் கிருஷ்ணகிரி-ஓசூர் தேசிய நெடுஞ்சாலையில் குருபரப்பள்ளி மேம்பாலத்தின் மீது சென்று கொண்டிருந்தனர்.

அப்போது எதிர்பாராதவிதமாக சாலையில் அவர்கள் தவறி விழுந்தனர். இந்த விபத்தில் மோட்டார் சைக்கிளை ஓட்டி சென்ற கல்லூரி மாணவர் நவீன்குமாருக்கு தலையில் பலத்த காயம் ஏற்பட்டு, சம்பவ இடத்திலேயே பரிதாபமாக இறந்தார். மகேஷ் படுகாயம் அடைந்தார். அவரை மீட்டு, கிருஷ்ணகிரி அரசு மருத்துவமனையில் சிகிச்சைக்காக சேர்த்துள்ளனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து குருபரப்பள்ளி போலீஸ் இன்ஸ்பெக்டர் ரஜினி வழக்குப்பதிவு செய்து விசாரணை நடத்தி வருகிறார்.