ஆரணி அருகே, மோட்டார் சைக்கிள் மோதி முதியவர் சாவு - போலீஸ் விசாரணை

ஆரணி,

ஆரணியை அடுத்த மலையாம்பட்டு கூட்ரோடு பகுதியை சேர்ந்தவர் மேகநாதன் (வயது 70). இவர், களம்பூரில் இருந்து ஆரணி செல்லும் சாலையில் நடந்து சென்றார். அப்போது அந்த வழியாக வந்த மோட்டார் சைக்கிள் திடீரென மேகநாதன் மீது மோதியது.

இதில் படுகாயம் அடைந்த அவர் சிகிச்சைக்காக ஆரணி அரசு மருத்துவமனையிலும், பின்னர் அங்கிருந்து மேல் சிகிச்சைக்காக வேலூர் அரசு மருத்துவமனையிலும் சேர்க்கப்பட்டார். ஆனால் அங்கு சிகிச்சை பலனின்றி பரிதாபமாக உயிரிழந்தார்.

இதுகுறித்து களம்பூர் போலீஸ் சப்-இன்ஸ்பெக்டர் விநாயகம் வழக்குப்பதிவு செய்து விசாரணை நடத்தி வருகிறார்.