காரையூரில் கபடி போட்டியில் வெற்றி பெற்ற அணிகளுக்கு பரிசு

காரையூர்,

புதுக்கோட்டை மாவட்டம், காரையூரில் ஆண்டுதோறும் கபடி போட்டி நடைபெறுவது வழக்கம். அதேபோல் இந்த ஆண்டுக்கான கபடி போட்டி நடைபெற்றது.

இதில் புதுக்கோட்டை, திண்டுக்கல், திருச்சி, கரூர், சிவகங்கை மற்றும் சுற்றுவட்டார கிராமங்கள் உள்பட பல்வேறு ஊர்களில் இருந்து 52 அணிகள் கலந்து கொண்டு விளையாடினர். போட்டிகள் பல்வேறு சுற்றுகளாக நடத்தப்பட்டன.

பரிசு

இதில் முதல் பரிசை செமலாபட்டி கபடி அணியினரும், இரண்டாவது பரிசை மலையப்பநகர் கபடி அணியினரும், மூன்றாம் பரிசை கரூர் கபடி அணியினரும், நான்காம் பரிசை உப்புப்பட்டி கபடி அணியினரும் வெற்றி பெற்றனர். பின்னர் போட்டியில் வெற்றி பெற்ற அணிகளுக்கு ரொக்க பரிசுகளும் கோப்பைகளும் வழங்கினர்.

மேலும் சிறந்த வீரர்களுக்கும் பரிசுகள் வழங்கப்பட்டது. இதற்கான ஏற்பாடுகளை காரையூர் ஊர் பொதுமக்கள் செய்து இருந்தனர். இந்த போட்டியை காரையூர், பொன்னமராவதி சுற்றுவட்டார கிராமங்களை சேர்ந்த திரளான பொதுமக்கள் கண்டுகளித்தனர்.