புதுச்சேரியில் இன்று 49 பேருக்கு கொரோனா தொற்று உறுதி
புதுச்சேரியில் மொத்த கொரோனா பாதிப்பு எண்ணிக்கை 37,492 ஆக அதிகரித்துள்ளது.
புதுச்சேரி,
புதுவையில் கடந்த 2 மாதங்களுக்கு முன்பு கொரோனா தொற்று அதிக அளவில் பரவியது. நாள் தோறும் பாதிக்கப்பட்டவர்களின் எண்ணிக்கை புதிய உச்சத்தை தொட்டு வந்தது. கடந்த ஒரு மாதமாக தொற்று பாதிப்பு மளமளவென சரிந்தது. கடந்த சில தினங்களாக தொற்று எண்ணிக்கை குறைந்து வருகிறது.
இந்நிலையில் கடந்த 24 மணி நேரத்தில் புதுச்சேரியில் 49 பேருக்கு தொற்று உறுதி செய்யப்பட்டுள்ளதாக புதுச்சேரி மாநில சுகாதாரத்துறை தெரிவித்துள்ளது. இதன் மூலம் அங்கு மொத்த பாதிப்பு எண்ணிக்கை 37,492 ஆக அதிகரித்துள்ளது.
அதே சமயம் கடந்த 24 மணி நேரத்தில் 57 பேர் சிகிச்சை முடிந்து வீடு திரும்பியுள்ளனர். இதனையடுத்து கொரோனா பாதிப்பில் இருந்து குணமடைந்தவர்களின் எண்ணிக்கை 36,536 ஆக உயர்ந்துள்ளது. இதுவரை 619 பேர் கொரோனாவால் உயிரிழந்துள்ள நிலையில், தற்போது மருத்துவமனைகளில் 337 பேர் கொரோனாவிற்கு சிகிச்சை பெற்று வருகின்றனர்.