ரேஷன் கடை பணியாளர்களுக்கு இலவசமாக கொரோனா பரிசோதனை இன்று நடக்கிறது

நாகப்பட்டினம், 

ரேஷன்கடை பணியாளர்களுக்கு இலவசமாக இன்று கொரோனா பரிசோதனை செய்யப்படுகிறது.

ரேஷன் கடை பணியாளர்கள்

நாகை கூட்டுறவு சங்கங்களின் இணைப்பதிவாளர் நடுகாட்டுராஜா வெளியிட்டுள்ள செய்திக்குறிப்பில் கூறியிருப்பதாவது:-

கொரோனா வைரஸ் நோய் தொற்றை தடுக்க தமிழ்நாடு அரசு பல்வேறு நடவடிக்கைகளை எடுத்து வருகிறது. இந்தநிலையில் ரேஷன் கடை பணியாளர்களுக்கு வட்டார அளவில் அந்தந்த மண்டல கண்காணிப்பு அலுவலர்கள் முன்னிலையில் இலவச கொரோனா பரிசோதனை இன்று (வியாழக்கிழமை) நடைபெறுகிறது.

அதன்படி, நாகை வட்டாரத்தில் நகர்புற ஆரம்ப சுகாதார மையத்திலும், திருமருகல் வட்டாரத்தில் திருமருகல் அரசு மருத்துவமனையிலும், கீழ்வேளூர் வட்டாரத்தில் தேவூர் ஆரம்ப சுகாதார மையத்திலும், தலைஞாயிறு வட்டாரத்தில் தலைஞாயிறு அரசு மருத்துவமனையிலும், வேதாரண்யம் வட்டாரத்தில் கரியாப்பட்டினம் அரசு மருத்துவமனையிலும் நடக்கிறது.

இலவச பரிசோதனை

அதேபோல மயிலாடுதுறை வட்டாரத்தில் காளி ஆரம்ப சுகாதார மையத்திலும், குத்தாலம் வட்டாரத்தில் கோனேரிராஜபுரம் ஆரம்ப சுகாதார மையத்திலும், செம்பனார்கோவில் வட்டாரத்தில் ஆக்கூர் ஆரம்ப சுகாதார மையத்திலும், சீர்காழி வட்டாரத்தில் திருவெண்காடு ஆரம்ப சுகாதார மையத்திலும், கொள்ளிடம் வட்டாரத்தில் நல்லாவூர் ஆரம்ப சுகாதார மையத்திலும் நடைபெறுகிறது. இதில் ரேஷன்கடைகளில் பணிபுரியும் பணியாளர்கள் கொரோனா பரிசோதனையை இலவசமாக செய்து பயன்பெறலாம்.

இவ்வாறு அதில் கூறப்பட்டுள்ளது.