தஞ்சை, நாகை, திருவாரூர் மாவட்டங்களில் ஒரே நாளில், மேலும் 18 பேருக்கு கொரோனா பாதிப்பு எண்ணிக்கை 115 ஆக உயர்வு

தஞ்சாவூர், 

தஞ்சை, நாகை, திருவாரூர் மாவட்டங்களில் நேற்று ஒரே நாளில் மேலும் 18 பேருக்கு கொரோனா தொற்று உறுதி செய்யப்பட்டது. இதன் மூலம் பாதிக்கப்பட்ட வர்களின் எண்ணிக்கை 115 ஆக உயர்ந்துள்ளது.

கொரோனா பாதிப்பு

தஞ்சை மாவட்டத்தில் ஏற்கனவே 36 பேருக்கு கொரோனா தொற்று இருப்பது உறுதி செய்யப்பட் டது. இந்நிலையில் மேலும் 10 பேருக்கு கொரோனா தொற்று இருப்பது நேற்று உறுதி செய்யப்பட்டது. இதில் 7 பெண்கள், 3 ஆண்கள் அடங்கு வர். இதில் 5 பெண்கள், ஒரு ஆண் என மொத்தம் 6 பேர் அதிராம்பட்டினத்தை சேர்ந்தவர்கள். இவர்கள் குறைந்தபட்சமாக 21 வயதும், அதிகபட்சமாக 51 வயதும் உடையவர்கள்.

மேலும் வல்லத்தை சேர்ந்த 55 வயது பெண், கும்பகோணத்தை சேர்ந்த 20 வயது பெண், நெய்வாசலை சேர்ந்த 34 வயது ஆண், பாபநாசத்தை சேர்ந்த 36 வயது ஆண் ஆகியோரும் பாதிக்கப்பட்டுள்ளனர். இவர் கள் அனைவரும் ஏற்கனவே கொரோனாவால் பாதிக்கப் பட்டவர்களுடன் தொடர்பில் இருந்தவர்கள் ஆவர்.

46 ஆக உயர்வு

கொரோனா தொற்று நேற்று உறுதி செய்யப்பட்ட இரண்டாம் நிலை தொடர் புடைய 10 பேருக்கும் கடந்த 11-ந் தேதி சளி மாதிரி எடுக் கப்பட்டு பரிசோதனைக்கு அனுப்பி வைக்கப்பட்டது. பின்னர் இவர்கள் அனைவரும் அவரவர் வீட்டிலேயே தனிமைப்படுத்தப்பட்டனர். கொரோனா தொற்று உறுதி செய்யப்பட்டதை தொடர்ந்து இவர்கள் 10 பேரும் தஞ்சை மருத்துவக் கல்லூரி மருத்துவ மனையில் சேர்க்கப்பட்ட னர். இதன் மூலம் தஞ்சை மாவட்டத்தில் கொரோனா வால் பாதிக்கப்பட்டவர்களின் எண்ணிக்கை 46 ஆக உயர்ந்துள்ளது. மாவட்டத்தில் முதலாவதாக பாதிக்கப்பட்ட கும்பகோணத்தை சேர்ந்த நபர் குணமடைந்து கடந்த 16-ந் தேதி வீட்டுக்கு திரும்பினார். மற்றவர்கள் தொடர்ந்து தஞ்சை மருத்துவக் கல்லூரி மருத்துவமனையில் சிகிச்சை பெற்று வருகின்ற னர்.

2-ம் நிலை தொடர்புடையவர்கள்

ஏற்கனவே கொரோனா வால் பாதிக்கப்பட்டவர்களை நேரடியாக சந்தித்த நபர்களை முதல் நிலை தொடர்புடைய வர்கள் என்றும், முதல் நிலை தொடர்புடையவர்களை சந்தித்தவர்களை 2-ம் நிலை தொடர்புடையவர்கள் எனவும் அடையாளம் காணப் படுகின்றனர். இதன் அடிப் படையில் இரண்டாம் நிலை தொடர்புடையவர்களுக்கும் சளி மாதிரி எடுக்கப்பட்டு பரிசோதனை செய்யப்பட்டு வருகிறது. கொரோனாவால் பாதிக்கப்பட்டவர்கள் வசிக்கும் பகுதிகள் ‘சீல்’ வைக்கப்பட்டு தீவிரமாக கண்காணிக்கப்பட்டு வருவது குறிப்பிடத்தக்கது.

திருவாரூர் மாவட்டத்தில் 5 பேர்

திருவாரூர் மாவட்டத்தில் ஏற்கனவே 21 பேர் கொரோனா வால் பாதிக்கப்பட்டு இருந்த னர். இந்த நிலையில் நீடாமங் கலத்தில் தங்கி இருந்த மியான்மர் நாட்டை சேர்ந்த 2 பேருக்கும் கூத்தாநல்லூர், கடியாச்சேரி, திருத்துறைப் பூண்டி ஆகிய பகுதிகளை சேர்ந்த தலா ஒருவருக்கும் என மொத்தம் 5 பேருக்கும் கொரோனா தொற்று இருப்பது நேற்று உறுதி செய்யப்பட்டது.

இவர்கள் அனைவரும் முதல்கட்ட ரத்த பரிசோதனை யில் நோய் தொற்று இல்லை என கண்டறியப்பட்ட நிலை யில் திருவாரூர் மத்திய பல்கலைக்கழகத்தில் உள்ள சிறப்பு கொரோனா வார்டில் தனிமைப்படுத்தப்பட்டு கண்காணிக்கப்பட்டு வந்தனர். இந்த நிலையில் 2-வது கட்ட பரிசோதனையில் இவர்களுக்கு கொரோனா தொற்று இருப்பது உறுதி செய்யப்பட்டுள்ளது. இதன் மூலம் திருவாரூர் மாவட் டத்தில் கொரோனாவால் பாதிக்கப்பட்டவர்களின் எண்ணிக்கை 26 ஆக உயர்ந்துள்ளது.

நாகை மாவட்டத்தில் 3 பேர்

நாகை மாவட்டத்தில் நாகை, நாகூர், பொரவச்சேரி, சீர்காழி, திட்டச்சேரி ஆகிய பகுதிகளை சேர்ந்த 40 பேருக்கு கொரோனா தொற்று ஏற்கனவே உறுதி செய்யப்பட் டது. இந்த நிலையில் நேற்று நாகூர் கண்ணாடி தோட்டம், நாகை யாகூசைன் பள்ளித் தெரு, பொறையாறு ஆகிய பகுதிகளை சேர்ந்த 3 பேருக்கு கொரோனா தொற்று உறுதி யானது. இதனால் நாகை மாவட்டத்தில் பாதிக்கப்பட்ட வர்களின் எண்ணிக்கை 43 ஆக உயர்ந்துள்ளது.

இதன் மூலம் தஞ்சை, நாகை, திருவாரூர் மாவட்டங்களில் பாதிக்கப்பட்டவர்களின் எண்ணிக்கை 115 ஆக உயர்ந்துள்ளது.