சோளிங்கரில் உழவர் கடன் அட்டை வழங்கும் முகாம்

சோளிங்கர், 

சோளிங்கர் ஒன்றியம் புலிவலம் கிராம நிர்வாக அலுவலகத்தில் நடந்த சிறப்பு முகாமில் சோளிங்கர் வேளாண்மை உதவி இயக்குனர் செல்வராஜ் கலந்துகொண்டு, விவசாயிகளுக்கு கடன் அட்டை வழங்குவதற்கான விண்ணப்பங்களை வழங்கினார். அதைத் தொடர்ந்து விவசாயிகள் கடன் அட்டை விண்ணப்பங்களைப் பூர்த்தி செய்து, புலிவலம் கிராம நிர்வாக அலுவலர் கணேசனிடம் வழங்கினார்கள். இதில் சோளிங்கர் வேளாண்மைத்துறை உதவி அலுவலர் மேகவர்ணன் மற்றும் விவசாயிகள் பலர் கலந்துகொண்டனர்.