அறுவடை எந்திரம் மோதி கல்லூரி மாணவர் பலி

சென்னை, 

செங்கல்பட்டு மாவட்டம் செய்யூர் அடுத்த வாழைப்பட்டையை சேர்ந்தவர் துரைசாமி. இவரது மகன் பிரதீப் (வயது 21). இவர் சென்னை பச்சையப்பன் கல்லூரியில் பி.ஏ.மூன்றாம் ஆண்டு படித்து வந்தார். இவர் நேற்று வாழைப்பட்டியிலிருந்து இருசக்கர வாகனத்தில் பூதூர் நோக்கி சென்றபோது, எதிரே வந்த வயல் அறுவடை எந்திரம் வாகனம் அவர் மீது மோதியது. இதில் அவர் சம்பவ இடத்திலேயே துடிதுடித்து பரிதாபமாக இறந்தார்.

டிரைவருக்கு வலை

இதுகுறித்து தகவலறிந்த அவரது தந்தை துரைசாமி சம்பவ இடத்திற்கு ஓடி வந்தார். அங்கு பலியாகி கிடந்த பிரதீப்பை பார்த்து கதறி அழுதார். அதன் பின்னர் இது குறித்து செய்யூர் போலீசாருக்கு தகவல் அளித்தார். அதன் பேரில், இன்ஸ்பெக்டர் சின்னத்துரை விபத்து நடந்த இடத்திற்கு விரைந்து வந்து, பிரதீப்பின் உடலை மீட்டு, பிரேத பரிசோதனைக்காக மதுராந்தகம் அரசு ஆஸ்பத்திரிக்கு அனுப்பி வைத்தனர்.

இது தொடர்பாக செய்யூர் போலீசார் வழக்குப்பதிவு செய்து விபத்து ஏற்படுத்தி விட்டு தப்பியோடி தலைமறைவான வாகன டிரைவரை வலைவீசி தேடி வருகின்றனர்.