கீழ்வேளூர் அருகே மோட்டார் சைக்கிள் மோதல்; 2 பேர் பலி போலீசார் விசாரணை

சிக்கல்,

நாகை மாவட்டம் கீழ்வேளூர் அருகே பட்டமங்கலம் சொட்டால் வண்ணம் பகுதியை சேர்ந்தவர் முத்து(வயது 80). இவர் நேற்று முன்தினம் இரவு அதே பகுதியில் வசித்து வரும் தனது மகன் சேகரை பார்ப்பதற்காக சாலையில் நடந்து சென்று கொண்டிருந்தார்.

அப்போது கீழ்வேளூரில் இருந்து கிள்ளுக்குடி மெயின் ரோட்டை சேர்ந்த பிரசாத் (35) என்பவர் ஓட்டி வந்த மோட்டார ்சைக்கிள் எதிர்பாராதவிதமாக முத்து மீது மோதியது.

2 பேர் சாவு

இதில் முத்து, பிரசாத் ஆகிய 2 பேரும் படுகாயம் அடைந்தனர். உடனடியாக அருகில் இருந்தவர்கள் இருவரையும் 108 ஆம்புலன்ஸ் மூலம் நாகை அரசு மருந்துவமனைக்கு கொண்டு சென்றனர். செல்லும் வழியிலேயே பிரசாத் பரிதாபமாக இறந்தார். மருத்துவமனையில் அனுமதிக்கப்பட்ட முத்து சிகிச்சை பலனின்றி இறந்தார்.

இந்த சம்பவம் குறித்து கீழ்வேளூர் போலீசார் வழக்குப்பதிவு செய்து விசாரணை நடத்தி வருகின்றனர்.