பரமக்குடியில் பஸ் டிரைவர் அடித்துக்கொலை

பரமக்குடி,

பரமக்குடி கிருஷ்ணா தியேட்டர் அருகே பள்ளிவாசல் தெருவை சேர்ந்தவர் ஜெகதீஸ்குமார் (வயது 35). இவர் தனியார் பஸ் டிரைவராக பணியாற்றி வந்தார். கடந்த 7–ந்தேதி இரவு வாரச்சந்தை பகுதியில் இவர் மர்ம கும்பலால் அடித்துக்கொலை செய்யப்பட்டு ரத்த வெள்ளத்தில் பிணமாக கிடந்தார்.

இதுபற்றி தகவல் அறிந்ததும் பரமக்குடி நகர் போலீசார் சம்பவ இடத்திற்கு சென்று ஜெகதீஸ்குமாரின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மர்ம கும்பல் தாக்கியதில் ஜெகதீஸ்குமாருக்கு தலை, தாடை, முகம் ஆகிய பகுதிகள் சிதைந்து போய் இருந்தது.

இவர் ஏன் கொலை செய்யப்பட்டார்? என்ன காரணம்? என்பது தெரியவில்லை. இதுகுறித்து பரமக்குடி நகர் போலீசார் வழக்கு பதிவு செய்து சிலரை பிடித்து விசாரணை நடத்தி வருகின்றனர்.