சேலத்தில் சிறுவன் கழுத்தை அறுத்து கொலை கல்லூரி மாணவர் கைது

இந்தநிலையில் அதே பகுதியில் வசிக்கும் சிறுவனின் உறவினரான தங்கராஜ் என்பவரின் மகன் பரத்குமார் (19) என்பவருக்கும், சிறுவன் ஆறுமுகத்திற்கும் அடிக்கடி தகராறு ஏற்பட்டு வந்ததும், இருவரும் நேற்று முன்தினம் மாலை அங்கு உள்ள அரசு பள்ளி வளாகத்தில் விளையாடி கொண்டிருந்ததும் தெரியவந்தது. இதனால் பரத்குமார் மீது போலீசார் சந்தேகம் அடைந்து அவரை பிடித்து விசாரித்தனர்.

அப்போது அவர் சிறுவன் ஆறுமுகத்தை கொலை செய்ததை ஒப்புக்கொண்டார். இதையொட்டி அவரை போலீசார் கைது செய்தனர். கைது செய்யப்பட்ட பரத்குமார் சேலத்தில் உள்ள ஒரு தனியார் கல்லூரியில் பி.ஏ. தமிழ் முதலாம் ஆண்டு படித்து வருகிறார். கைது செய்யப்பட்ட பரத்குமார் பரபரப்பு வாக்குமூலம் அளித்து உள்ளதாக போலீசார் தெரிவித்தனர்.

இதுகுறித்து போலீசார் கூறியதாவது:–

சிறுவன் ஆறுமுகம் சற்று மனநலம் பாதித்து இருந்து உள்ளான். இதனால் அவனுக்கும், பரத்குமாருக்கும் இடையே அடிக்கடி தகராறு ஏற்பட்டு உள்ளது. சில சமயங்களில் மாணவரின் பெற்றோரையும் சிறுவன் தகாத வார்த்தையால் திட்டி உள்ளான். இந்த நிலையில் நேற்று முன்தினம் அரசு பள்ளி வளாகத்தில் இருவருக்கும் தகராறு ஏற்பட்டது.

அப்போது ஆத்திரமடைந்த பரத்குமார், சிறுவன் ஆறுமுகத்தின் தலையை பிடித்து சுவற்றில் மோதியபோது அவன் மயங்கி கீழே விழுந்து உள்ளான். அப்போது அருகில் கிடந்த பிளேடால் ஆறுமுகத்தின் கழுத்து மற்றும் கையில் அறுத்து விட்டு அங்கிருந்து சென்று விட்டதாக பரத்குமார் தனது வாக்குமூலத்தில் கூறியிருப்பதாக போலீசார் தெரிவித்தனர்.