பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம்

மும்பை

மத்திய ரெயில்வேயின் மாட்டுங்கா - முல்லுண்டு இடையே விரைவு வழித்தடத்தில் இன்று (ஞாயிற்றுக்கிழமை) காலை 10.30 மணி முதல் பிற்பகல் 3 மணி வரை பராமரிப்பு பணிகள் நடைபெறுகிறது.

எனவே இன்று காலை 9.53 மணி முதல் பிற்பகல் 2.42 மணி வரை விரைவு ரெயில்கள் அனைத்தும் மாட்டுங்கா - முல்லுண்டு இடையே ஸ்லோ வழித்தடத்தில் இயக்கப்படும். இந்த ரெயில்கள் சயான் - முல்லுண்டு இடையே அனைத்து ரெயில் நிலையங்களிலும் நின்று செல்லும். தானேக்கு பிறகு மீண்டும் விரைவு வழித்தடத்தில் இயக்கப்படும்.

துறைமுக வழித்தடம்

துறைமுக வழித்தடத்தில் மான்கூர்டு - நெருல் இடையே இன்று காலை 11.30 மணி முதல் மாலை 4 மணி வரை பராமரிப்பு பணிகள் நடக்கிறது. எனவே காலை 10.03 மணி முதல் பிற்பகல் 3.16 மணி வரை சி.எஸ்.எம்.டி.யில் இருந்து பன்வெல், பேலாப்பூர் மற்றும் வாஷிக்கு ரெயில்கள் இயக்கப்படாது.

இதேபோல காலை 11.06 மணி முதல் பிற்பகல் 3.41 வரை பன்வெல்,பேலாப்பூர் மற்றும் வாஷியில் இருந்து சி.எஸ்.எம்.டி.க்கு ரெயில் சேவை இருக்காது. எனினும் இந்த நேரத்தில் சி.எஸ்.எம்.டி. - மான்கூர்டு இடையே சிறப்பு ரெயில்கள் இயக்கப்படும்.

இந்த தகவலை மத்திய ரெயில்வே வெளியிட்டுள்ளது.