இந்தியன் ஆயில் நிறுவனத்தில் பயிற்சிப் பணியிடங்கள்

இந்தியன் ஆயில் கழக நிறுவனம் சுருக்கமாக ஐ.ஓ.சி.எல். எனப்படுகிறது. இதன் தெற்கு மண்டல மார்க்கெட்டிங் பிரிவில் தற்போது அப்ரண்டிஸ் பயிற்சிப் பணிக்கு வி்ண்ணப்பம் கோரப்பட்டு உள்ளது. இதில் டெக்னிக்கல் பிரிவில் 150 இடங்களும், நான்-டெக்னிக்கல் பிரிவில் 100 இடங்களும், டெக்னீசியன் பணிக்கு - 95 இடங்களும் உள்ளன. மொத்தம் 345 பேர் தேர்வு செய்யப்படுகிறார்கள். மண்டலத்திற்கு உட்பட்ட மாநில வாரியான பணியிட விவரம் : தமிழ்நாடு-புதுச்சேரி - 145, கர்நாடகா - 68, கேரளா - 46, ெதலுங்கானா - 42, ஆந்திரா - 43.

இந்த பயிற்சிப் பணியிடங்களில் சேர விரும்புபவர்கள் பெற்றிருக்க வேண்டிய தகுதி விவரங்கள் வருமாறு...

விண்ணப்பதாரர்கள் 31-8-2018-ந் தேதியில் 18 வயது முதல் 24 வயது வரை இருக்க வேண்டும்.

10-ம் வகுப்பு தேர்ச்சியுடன், 2 ஆண்டு ஐ.டி.ஐ. படிப்பு படித்தவர்கள் டெக்னிக்கல் டிரேடு அப்ரண்டிஸ் பயிற்சி பணிக்கும், 3 ஆண்டு டிப்ளமோ என்ஜினீயரிங் படித்தவர்கள் டெக்னீசியன் பயிற்சிப் பணிக்கும், 3 ஆண்டு பட்டப்படிப்பு படித்தவர்கள் நான் டெக்னிக்கல் பிரிவு பயிற்சிப் பணிகளுக்கும் விண்ணப்பிக்கலாம்.

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 21-9-2018-ந் தேதிக்குள் விண்ணப்பம் சமர்ப்பிக்கலாம். www.iocl.com/peoplecareers/job.aspx என்ற இணையதள பக்கத்தில் விரிவான விவரங்களை பார்த்துவிட்டு விண்ணப்பம் சமர்ப்பிக்கலாம்.