ரவுடி காக்காதோப்பு பாலாஜி குண்டர் சட்டத்தில் சிறையில் அடைப்பு

சென்னை, 

சென்னையில் தொடர்ந்து குற்றச்செயல்களில் ஈடுபடும் ரவுடிகள், சங்கிலி பறிப்பு கொள்ளையர்கள் உள்ளிட்ட பல்வேறு குற்றவாளிகளை குண்டர் சட்டத்தின் கீழ் கைது செய்து போலீசார் 1 ஆண்டு சிறையில் அடைத்து வருகிறார்கள்.

ரவுடி காக்காதோப்பு பாலாஜி (வயது 38) உள்ளிட்ட 9 குற்றவாளிகளை குண்டர் சட்டத்தின் கீழ் சிறையில் அடைக்க போலீஸ் கமிஷனர் ஏ.கே.விஸ்வநாதன் நேற்று உத்தரவிட்டார். காக்காதோப்பு பாலாஜி மீது 8 கொலை வழக்குகள் உள்பட 50 குற்ற வழக்குகள் நிலுவையில் உள்ளன. ஏற்கனவே அவர் 8 முறை குண்டர் சட்டத்தில் சிறைக்கு சென்றுள்ளார் என்பது குறிப்பிடத்தக்கது. இந்த தகவல்கள் போலீசார் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.