கலெக்டர் அலுவலகம் எதிரில் மண்எண்ணெய் பாட்டிலுடன் சுற்றித்திரிந்த ஸ்ரீமுஷ்ணம் வாலிபர் கைது

கடலூர்,

கடலூர் கலெக்டர் அலுவலகம் எதிரில் நேற்று ஒருவர் கையில் மண்எண்ணெய் பாட்டிலுடன் ஆபாசமாக பேசிக்கொண்டு சுற்றித்திரிந்தார். இது பற்றி அறிந்ததும் மஞ்சக்குப்பம் கிராம நிர்வாக அலுவலர் பாலமுருகன் கடலூர் புதுநகர் போலீசில் புகார் செய்தார். அதன்பேரில் போலீசார் வந்து, மண்எண்ணெய் பாட்டிலுடன் சுற்றித்திரிந்தவரை பிடித்து விசாரணை நடத்தினர். விசாரணையில் அவர் ஸ்ரீமுஷ்ணம் தேவங்குடி கிழக்கு தெருவை சேர்ந்த செல்வராசு மகன் பிரபு (வயது 35) என்பது தெரிய வந்தது. இதையடுத்து அவரை போலீசார் கைது செய்தனர். தொடர்ந்து அவரிடம் விசாரணை நடத்தி வருகின்றனர்.