காஞ்சீபுரத்தில் மாடியில் இருந்து கீழே விழுந்தவர் சாவு

காஞ்சீபுரம், 

காஞ்சீபுரம், ராயங்குட்டை பள்ளத்தெருவை சேர்ந்தவர் தயாளன் (வயது 40). இவர் மனைவியின் நடத்தையில் சந்தேகப்பட்டு அடிக்கடி தகராறில் ஈடுபட்டு வந்தார்.

சம்பவத்தன்று இவருக்கும் இவரது மனைவிக்கும் தகராறு நடந்ததாக கூறப்படுகிறது.

சாவு

இந்த நிலையில் தயாளன் வீட்டின் மாடியில் இருந்து திடீரென கீழே விழுந்தார். உடனடியாக அவரை காஞ்சீபுரம் அரசு ஆஸ்பத்திரிக்கு கொண்டு சென்றனர்.

ஆனால் ஆஸ்பத்திரிக்கு செல்லும் வழியிலேயே அவர் பரிதாபமாக இறந்தார். இதுகுறித்து பெரிய காஞ்சீபுரம் போலீசார் வழக்குப்பதிவு செய்து விசாரித்து வருகின்றனர்.