பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் சி.எஸ்.எம்.டி. - பன்வெல் இடையே சேவை ரத்து

மும்பை,

பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது. சி.எஸ்.எம்.டி. - பன்வெல் இடையே ரெயில்கள் இயக்கப்படாது.

கல்யாண் - தானே

மத்திய ரெயில்வே வழித்தடமான கல்யாண் - தானே இடையே விரைவு வழித்தடத்தில் இன்று (ஞாயிற்றுக்கிழமை) காலை 11.15 மணி முதல் மாலை 4.15 மணி வரை பராமரிப்பு பணிகள் நடைபெற உள்ளது. எனவே காலை 10.54 மணி முதல் மாலை 4.19 மணி வரை விரைவு ரெயில்கள் அனைத்தும் கல்யாண் - தானே இடையே ஸ்லோ வழித்தடத்தில் இயக்கப்படும். எனவே இந்த ரெயில்கள் கல்யாண் - தானே இடையே எல்லா ரெயில்நிலையங்களிலும் நின்று வரும். தானேக்கு பிறகு மீண்டும் விரைவு வழித்தடத்தில் இயக்கப்படும்.

ரெயில்சேவை இருக்காது

துறைமுக வழித்தடத்தில் குர்லா - மான்கூர்டு இடையே இன்று காலை 11.10 மணி முதல் மாலை 4.10 மணி வரை பராமரிப்பு பணிகள் நடைபெற உள்ளது.

எனவே காலை 10.21 மணி முதல் பிற்பகல் 3.47 மணி வரை பன்வெல், பேலாப்பூர் மற்றும் வாஷியில் இருந்து சி.எஸ்.எம்.டி.க்கு ரெயில்கள் இயக்கப்படாது. இதேபோல காலை 10.34 மணி முதல் மாலை 4 மணி வரை சி.எஸ்.எம்.டி.யில் இருந்து வாஷி, பேலாப்பூர் மற்றும் பன்வெலுக்கு ரெயில்சேவை இருக்காது.

மேற்கு ரெயில்வே...

மேற்கு ரெயில்வே வழித்தடத்தில் இன்று காலை 10.35 மணி முதல் பிற்பகல் 3.35 மணி வரை சர்ச்கேட் - மும்பை சென்டிரல் இடையே விரைவு வழித்தடத்தில் இருமார்க்கங்களிலும் பராமரிப்பு பணிகள் நடைபெற உள்ளது. எனவே இந்த நேரத்தில் விரைவு ரெயில்கள் அனைத்தும் சர்ச்கேட் - மும்பை சென்டிரல் இடையே இருமார்க்கத்திலும் ஸ்லோ வழித்தடத்தில் இயக்கப்படும். இந்த தகவலை மத்திய, மேற்கு ரெயில்வே வெளியிட்டுள்ளது.