மொபட் மீது மோதி விபத்து: அண்ணனுடன் மோட்டார் சைக்கிளில் சென்ற வாலிபர் பலி

சிவகங்கை,

சிவகங்கை நகர் ஆவாரங்காடு பகுதியை சேர்ந்தவர் அஜித்(வயது 28). இவரது தம்பி சூர்யா(26). நேற்று அண்ணன்–தம்பி இருவரும் சிவகங்கையில் இருந்து திருப்பத்தூருக்கு மோட்டார் சைக்கிளில் சென்று கொண்டிருந்தனர். அஜித் மோட்டார் சைக்கிளை ஓட்டினார். அவருக்கு பின்னால் சூர்யா அமர்ந்திருந்தார். இவர்கள் சோழபுரம்–ஒக்கூர் இடையே சென்றுக்கொண்டிருந்தனர். அப்போது அந்த வழியாக அழகுபாண்டி(40) என்ற பெண் ஓட்டிச்சென்ற மொபட் மீது இவர்களின் மோட்டார் சைக்கிள் எதிர்பாராதவிதமாக மோதியது.

இந்த விபத்தில் மோட்டார் சைக்கிளின் பின்னால் அமர்ந்திருந்த சூர்யா மற்றும் அஜித் ஆகியோர் கீழு விழுந்து படுகாயம் அடைந்தனர். இதில் சூர்யா ரத்த வெள்ளத்தில் சம்பவ இடத்திலேயே பரிதாபமாக இறந்தார். மேலும் படுகாயம் அடைந்த அஜித் சிவகங்கை அரசு மருத்துவ கல்லூரியில் சிகிச்சைக்காக சேர்க்கப்பட்டார். அங்கு அவருக்கு சிகிச்சை அளிக்கப்பட்டு வருகிறது.

இந்த விபத்து குறித்து சிவகங்கை நகர் இன்ஸ்பெக்டர் மோகன் மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.