டிரைவர்களுக்கு வேலை

இந்தியன் ஆயில் கழக நிறுவனத்தில் (ஐ.ஒ.சி.எல்.) கிழக்கு மண்டல மார்க்கெட்டிங் டிவிஷன் பிரிவில், ஜூனியர் ஆபரேட்டர் (ஏவியேசன்) பணியிடங்களை நிரப்ப அறிவிப்பு வெளியாகி உள்ளது. அந்தமான் நிகோபார் தீவு மற்றும் மணிப்பூர், மேற்கு வங்காளம், பீகார் உள்ளிட்ட 9 கிழக்கு இந்திய மாநிலங்களில் இந்த பணியிடங்கள் உள்ளன. இந்த பணிகளுக்கு விண்ணப்பிக்க விரும்புபவர்கள் 26 வயதுக்கு உட்பட்டவர்களாக இருக்க வேண்டும். மத்திய அரசு விதிகளின்படி வயது வரம்பு தளர்வு அனுமதிக்கப்படும். பிளஸ்-2 படிப்புடன், கனரக வாகன லைசென்சு பெற்றிருப்பவர்கள் விண்ணப்பிக்கலாம். எழுத்துத் தேர்வு மற்றும் திறமைத் தேர்வு அடிப்படையில் பணியிடங்கள் நிரப்பப்படுகிறது. விருப்பம் உள்ளவர்கள் ரூ.150 கட்டணம் செலுத்தி விண்ணப்பிக்கலாம். www.iocrefrecruit.in என்ற இணையதளம் வழியே 10-2-2018-ந் தேதிக்குள் விண்ணப்பம் சமர்ப்பிக்கலாம். பின்னர் நகல் விண்ணப்பம் 16-2-2018-ந் தேதிக்குள் குறிப்பிட்ட முகவரியை சென்றடையும்படி அனுப்ப வேண்டும். விரிவான விவரங்களை மேற்குறிப்பிட்டுள்ள இணையதள பக்கத்தில் பார்த்துவிட்டு விண்ணப்பிக்கவும்.