மதுவிற்ற 5 பேர் கைது ரூ.67ஆயிரம், 200 மதுபாட்டில்கள் பறிமுதல்

ஒரத்தநாடு,

தஞ்சை மாவட்டம் ஒரத்தநாடு பகுதியில் அனுமதியின்றி மதுபாட்டில்கள் விற்பனை செய்யப்படுவதாக மாவட்ட போலீஸ் சூப்பிரண்டு செந்தில்குமாருக்கு தகவல் வந்தது. இதனை தொடர்ந்து அவரது நேரடி கட்டுப்பாட்டில் இயங்கும் சிறப்பு தனிப்படை போலீஸ் சப்-இன்ஸ்பெக்டர் கண்ணன் தலைமையிலான போலீசார் நேற்றுமுன்தினம் ஒரத்தநாடு பகுதியில் ரோந்து பணியில் ஈடுபட்டனர். அப்போது அனுமதியின்றி மது விற்ற மேஉளூரை சேர்ந்த வெங்கிடாஜலபதி, ஒரத்தநாடு-புதூரை சேர்ந்த வைரச்சாமி(வயது48), ஒரத்தநாடு யானைக்காரதெரு செந்தில்(40), ஆதனக்கோட்டை மேலத்தெருவை சேர்ந்த அன்புமணி (40), திருநல்லூரை சேர்ந்த இந்திரகுமார் (34) ஆகிய 5 பேரையும் போலீசார் கைது செய்தனர். மேலும் அவர்களிடமிருந்து ரூ.67 ஆயிரத்தையும், 200 மதுபாட்டில்களையும் போலீசார் பறிமுதல் செய்தனர்.