தென் பெண்ணை ஆற்றில் வெள்ளப்பெருக்கு: கால்வாய்கள் தூர்வாராததால் விவசாயிகள் ஏமாற்றம்

ந்த 3 அணைகளும் புதுச்சேரி அரசின் கட்டுப்பாட்டில் உள்ளன. இதில் சொர்ணாவூர், அணைக்கட்டில் இருந்து வாய்க்கால்கள் மூலம் பாகூரில் உள்ள பாகூர் ஏரி மற்றும் அதன் சுற்றுப்புற பகுதிகளில் உள்ள சிறிய ஏரிகள் உள்பட 24 ஏரிகளுக்கு தண்ணீர் செல்லும். அதேபோல் சித்தேரி அணைக்கட்டில் இருந்து கால்வாய் மூலமாக சித்தேரி, பரிக்கல்பட்டு ஏரி, சோரியாங்குப்பம் ஏரி உள்பட பல ஏரிகளுக்கு தண்ணீர் கொண்டு செல்லப்படுகிறது.

தென் பெண்ணை ஆற்றில் தற்போது வரும் தண்ணீர் தொடர்ந்து இதேபோல் எத்தனை நாட்களுக்கு வரும் என்று உறுதியாக சொல்லமுடியாத நிலை உள்ளது. மழை பெய்வது நின்றுவிட்டால் தண்ணீர் வரத்து குறையவும், சில நாட்களில் தண்ணீர் வரத்து நின்றுவிடவும் வாய்ப்பு உள்ளது. அதனால் ஏரிகள் நிரம்புவதில் சிக்கல் ஏற்பட்டுள்ளதாக கூறப்படுகிறது.

மேலும் கால்வாய்கள் தூர்வாரப்படாததால், அடைப்புகள் ஏற்பட்டு தென் பெண்ணை ஆற்றில் செல்லும் தண்ணீர் வீணாக கடலுக்கு செல்கிறது.

அதற்காக கொமந்தான்மேடு தடுப்பணை தமிழக பகுதியையொட்டியுள்ள சுடுகாட்டுக்கு அருகில் இருந்து புதுச்சேரி ஊழியர்கள் மணல் எடுத்தனர். அதை அறிந்ததும் அந்த பகுதி கிராம மக்கள் வந்து அங்கு மணல் எடுக்க எதிர்ப்பு தெரிவித்து தடுத்து நிறுத்தினார்கள். மேலும் அதுகுறித்து கடலூர் மாவட்ட வருவாய்துறை அதிகாரிகளுக்கு தகவல் தெரிவித்தனர். அதைத் தொடர்ந்து அங்கு வந்த கடலூர் மாவட்ட அதிகாரிகள் மணல் எடுப்பதை தடுத்து நிறுத்தினர். அதனால் பரபரப்பு ஏற்பட்டது.

அதைத் தொடர்ந்து மாற்று நடவடிக்கையாக புதுச்சேரி பொதுப்பணித்துறை ஊழியர்கள் வெளியிடங்களில் இருந்து லாரிகள் மண் கொண்டு வரப்பட்டு தடுப்பணையில் கொட்டப்பட்டு வருகிறது.

அதுபற்றி தகவல் அறிந்ததும் கரையாம்புத்தூர் மற்றும் பாகூர் போலீசார் விரைந்து வந்து வாக்குவாதத்தில் ஈடுபட்டவர்களை சமாதானம் செய்தனர். அதன் பின்னர் அதிகாரிகள் அங்கிருந்து புறப்பட்டு பாகூர் ஏரிக்கு சென்று பார்வையிட்டனர்.