கண்டமனூர் அருகே சுடுகாட்டில் தூக்குப்போட்டு முதியவர் தற்கொலை

கண்டமனூர்,

ஆண்டிப்பட்டி தாலுகா கண்டமனூர் அருகே உள்ள அம்பாசமுத்திரத்தை சேர்ந்தவர் பெருமாள்சாமி (வயது 84). கடந்த சில ஆண்டுகளுக்கு முன்பு இவருடைய மனைவி நோய் பாதிப்பு காரணமாக இறந்துவிட்டார். தனிமையில் வசித்து வந்த பெருமாள்சாமி கடந்த சில மாதங்களாக உடல்நலக்குறைவால் அவதிப்பட்டு வந்ததாக தெரிகிறது. அவரை கவனிக்க யாரும் இல்லை. இதனால் மனமுடைந்த நிலையில் காணப்பட்ட அவர், நேற்று காலை அம்பாசமுத்திரத்தில் உள்ள சுடுகாட்டுக்கு சென்றார்.

பின்னர் அங்குள்ள மரத்தில் தூக்குப்போட்டு தற்கொலை செய்துகொண்டார். இது குறித்து தகவலறிந்த கண்டமனூர் போலீசார் விரைந்து சென்று பிணத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்து விசாரணை நடத்தி வருகின்றனர்.