மாணவி அனிதாவின் மரணத்துக்கு நீதி கேட்டு ஆர்ப்பாட்டம்

திருச்சி,

நீட் தேர்வை முழுமையாக ரத்து செய்ய கோரியும், மாணவி அனிதாவின் மரணத்துக்கு நீதி கேட்டும், கல்வியை பொதுப்பட்டியலில் இருந்து மாநில பட்டியலுக்கு மாற்ற கோரியும், தமிழ்நாடு பல்கலைக்கழக, கல்லூரி எஸ்.சி-எஸ்.டி ஆசிரியர் மற்றும் பணியாளர் சங்கம் சார்பில் திருச்சி மத்திய பஸ் நிலையம் அருகே நேற்று ஆர்ப்பாட்டம் நடந்தது. பொதுச்செயலாளர் கண்ணையன் தலைமை தாங்கினார். தமிழ்நாடு எஸ்.சி-எஸ்.டி அலுவலர் நலசங்க பொதுச்செயலாளர் திலகர் முன்னிலை வகித்தார். மனித உரிமை செயற்பாட்டாளர் எவிடென்ஸ் கதிர் கண்டன உரையாற்றினார். ஆர்ப்பாட்டத்தில் கோரிக்கைகளை வலியுறுத்தி கோஷங்களும் எழுப்பப்பட்டன. இதில் மாநில இணைச்செயலாளர் பிரபாகரன், சேவியர் உள்பட பல்வேறு சங்கங்களை சேர்ந்த நிர்வாகிகள் கலந்து கொண்டனர்.