முயல் வேட்டைக்கு சென்ற 3 பேருக்கு தலா ரூ.5 ஆயிரம் அபராதம்

குடியாத்தம்,

குடியாத்தம் வனச்சரகம் குடியாத்தத்தை அடுத்த தொட்டமிட்டா ஆம்பூரான்பட்டி பகுதியில் நேற்று மதியம் குடியாத்தம் வனச்சரகர் குமார், வனவர் கணேசன் மற்றும் வனத்துறையினர் தீவிர ரோந்துப்பணியில் ஈடுபட்டனர். அப்போது 3 பேர் நாட்டுத்துப்பாக்கியோடு முயல் வேட்டைக்கு சென்றது தெரிய வந்தது. 3 பேரை பிடித்து வனத்துறையினர் விசாரித்தனர்.

அவர்கள் நரிக்குறவர் சமூகத்தைச் சேர்ந்தவர்கள் என்றும், வேலூரை அடுத்த செதுவாலையைச் சேர்ந்த கார்த்திகா (வயது 27), வினோத் (24), அகரம்சேரியைச் சேர்ந்த ரஜினி (35) என்பதும் தெரிய வந்தது. 3 பேருக்கும், தலா ரூ.5 ஆயிரம் அபராதம் விதிக்கப்பட்டது. இதையடுத்து 3 பேரும் விடுவிக்கப்பட்டனர். அவர்களிடம் இருந்து ஒரு நாட்டுத்துப்பாக்கி பறிமுதல் செய்யப்பட்டது.