உலக இளைஞர் திறன் தின விழிப்புணர்வு ஊர்வலம்

திருவண்ணாமலை,

திருவண்ணாமலை மாவட்ட வேலை வாய்ப்பு மற்றும் பயிற்சித் துறை அலுவலகம் சார்பில் உலக இளைஞர் திறன் தினத்தை முன்னிட்டு விழிப்புணர்வு ஊர்வலம் நடைபெற்றது. ஊர்வலத்திற்கு மாவட்ட வேலை வாய்ப்பு அலுவலர் விஜயா தலைமை தாங்கினார். திருவண்ணாமலை அரசு ஐ.டி.ஐ. முதல்வர் சுகுமார் முன்னிலை வகித்தார். மகளிர் திட்ட உதவி திட்ட அலுவலர்கள் ஜான்சன், ஸ்ரீபாரதி ஆகியோர் வரவேற்றனர். சிறப்பு அழைப்பாளராக திருவண்ணாமலை உதவி கலெக்டர் உமாமகேஸ்வரி கலந்து கொண்டு விழிப்புணர்வு ஊர்வலத்தை கொடியசைத்து தொடங்கி வைத்தார்.

ஊர்வலத்தில் 100–க்கும் மேற்பட்ட மாணவ, மாணவிகள் கலந்து கொண்டனர். திருவண்ணாமலை தாலுகா அலுவலகத்தில் தொடங்கிய ஊர்வலம் முக்கிய வீதிகள் வழியாக சென்று அண்ணாமலையார் கோவில் ராஜகோபுரம் முன்பு முடிவடைந்தது. முன்னதாக உலக இளைஞர் திறன் தினத்தை முன்னிட்டு உறுதி ஏற்கப்பட்டது. இதனை முன்னிட்டு நடத்தப்பட்ட பேச்சு, கட்டுரை போட்டிகளில் வெற்றி மாணவ, மாணவிகளுக்கு கலெக்டர் பிரசாந்த் மு.வடநேர பரிசுகள் மற்றும் சான்றிதழ்கள் வழங்கினார்.