கூவத்தூர் சொகுசு விடுதியில் அனுமதி இல்லாமல் இருந்ததாக 6 பேர் கைது

அ.தி.முக. பொதுச்செயலாளர் சசிகலா சொத்து குவிப்பு வழக்கில் குற்றவாளி என்று அறிவிக்கப்பட்டதைத் தொடர்ந்து, சுப்ரீம் கோர்ட்டு அவரை உடனடியாக சரண் அடைய உத்தரவிட்டுள்ளது. இதையடுத்து, கல்பாக்கத்தை அடுத்த கூவத்தூரில் உள்ள சொகுசு விடுதிக்கு அதிரடிப்படை போலீசார் உள்பட 2 ஆயிரத்துக்கும் மேற்பட்ட போலீசார் வந்தனர்.

உள்ளே சென்ற அவர்கள் சொகுசு விடுதியில் அனுமதியில்லாமல் சந்தேகத்துக்கிடமாக இருந்த 6 பேரை போலீசார் கைது செய்தனர். அவர்களின் பெயர் விவரம் வருமாறு:-

1. முருகேசன்- திருவையாறு, 2. ரவிச்சந்திரன்-மணப்பாக்கம், 3. ராஜமாணிக்கம்-காஞ்சீபுரம், 4. மாசிலாமணி -கூவத்தூர், 5. நாகராஜ் -கூவத்தூர், 6. ராமச்சந்திரன் -திருநெல்வேலி.

இதில் ராமச்சந்திரன் என்பவர் கூட்டுறவுத்துறை அமைச்சரின் வீட்டில் வேலை செய்வதாக கூறினார்.