சாத்தூர் ஓட்டலில் தொழில் அதிபர் கொலை

சாத்தூர்,

சாத்தூரில் ஓட்டலில் அமர்ந்திருந்த தென்னமநல்லூரை சேர்ந்த தொழில் அதிபரும் வாரப்பத்திரிகையின் பகுதிநேர நிருபருமான கார்த்திகை செல்வன்(வயது43) கடந்த 9–ந் தேதி படுகொலை செய்யப்பட்டார். இந்த வழக்கில் மதுரையை சேர்ந்த 4 பேரும் சிவகாசியை சேர்ந்த 2 பேரும் மதுரையில் கோர்ட்டில் சரண் அடைந்தனர். இந்த நிலையில் மதுரை திருமங்கலத்தை சேர்ந்த முத்துராஜ்(42) என்பவர் மதுரை குற்றவியல் நடுவர் கோர்ட்டில் நேற்று சரண் அடைந்தார். அவரை நீதிமன்ற காவலில் வைக்க மாஜிஸ்திரேட்டு உத்தரவிட்டதன் பேரில் மதுரை சிறையில் அடைக்கப்பட்டார்.