5 மாநில தேர்தல் முடிவுகள் : பாரதீய ஜனதா தனது செல்வாக்கை இழந்துள்ளது-நடிகர் ரஜினிகாந்த்
5 மாநில தேர்தல் முடிவுகள் மூலம் பாரதீய ஜனதா தனது செல்வாக்கு இழந்ததை காட்டுகிறது என நடிகர் ரஜினிகாந்த் கூறி உள்ளார்.
சென்னை
5 மாநில சட்டசபை தேர்தல் முடிவுகள் இன்று வெளியானது. இதில் ராஜஸ்தான், மத்திய பிரதேசம், சத்தீஷ்கார் ஆகிய 3 மாநிலங்களில் காங்கிரஸ் அதிக இடங்களில் வெற்றி பெற்று உள்ளது. பாரதீய ஜனதா பின்னடைவை சந்தித்து உள்ளது.
இந்த நிலையில் 5 மாநில தேர்தல் முடிவுகள் குறித்து நடிகர் ரஜினிகாந்த் இன்று விமான நிலையத்தில் நிருபர்கள் கேட்ட கேள்விக்கு பதில் அளித்தார். அப்போது அவர் கூறியதாவது:-
5 மாநில தேர்தல் முடிவுகள் பாரதீய ஜனதாவுக்கு பின்னடைவை ஏற்படுத்தி உள்ளது. பாரதீய ஜனதா செல்வாக்கு இழந்ததையே இந்த 5 மாநில தேர்தல் முடிவுகள் காட்டுகின்றன என கூறினார்.