லைவ் அப்டேட்ஸ்: உலகப் புகழ்பெற்ற அலங்காநல்லூர் ஜல்லிக்கட்டு ..!
|உலகப் புகழ்பெற்ற அலங்காநல்லூர் ஜல்லிக்கட்டு போட்டி இன்று நடைபெறுகிறது.
அலங்காநல்லூர்,
ஆண்டுதோறும் பொங்கல் பண்டிகையையொட்டி மதுரை மாவட்டத்தில் ஜல்லிக்கட்டு விழா விறுவிறுப்பாக நடைபெறும். பொங்கல் பண்டிகை அன்று அவனியாபுரத்தில் ஜல்லிக்கட்டு போட்டி நடைபெற்றது. பாலமேட்டில் நேற்று ஜல்லிக்கட்டு போட்டி நடைபெற்றது.
இந்த நிலையில், மதுரை மாவட்டம், உலகப்புகழ் பெற்ற அலங்காநல்லூர் ஜல்லிக்கட்டு இன்று காலை 8 மணியளவில் தொடங்குகிறது. போட்டியை இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் கொடியைசைத்து தொடங்கி வைக்கிறார்.
ஜல்லிக்கட்டு போட்டியில் 1,000 காளைகளும், 300 வீரர்களும் களம் காண உள்ளனர். வெற்றி பெறும் காளைகளுக்கும், வீரர்களுக்கும் தங்கம், வெள்ளி நாணயங்கள், சில்வர் பாத்திரங்கள், சைக்கிள், கட்டில், பீரோ, மிக்ஸி, கிரைண்டர் உள்ளிட்ட ஏராளமான பரிசு பொருட்கள் வழங்கப்படவுள்ளன. அதிக காளைகளை அடக்கும் சிறந்த வீரருக்கு முதல்-அமைச்சர் மு.க.ஸ்டாலின் சார்பாக ஒரு காரும், சிறப்பாக விளையாடி முதல் பரிசு பெறும் காளையின் உரிமையாளருக்கு அமைச்சர் உதயநிதி சார்பில் ஒரு காரும் பரிசாக வழங்கப்படவுள்ளன.
ஜல்லிக்கட்டு போட்டிக்காக 2 எஸ்.பிக்கள், 8 ஏ.டி.எஸ்.பிக்கள், 29 டி.எஸ்.பிக்கள், 60 இன்ஸ்பெக்டர்கள் உட்பட 2000-க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.
Live Updates
- 17 Jan 2023 12:25 PM IST
அலங்காநல்லூர் ஜல்லிக்கட்டு போட்டியின் 5-ம் சுற்று நிறைவு
அலங்காநல்லூர் ஜல்லிக்கட்டு போட்டியின் 5ம் சுற்று முடிவில் 17 காளைகளை அடக்கி அபி சித்தர் முதல் இடத்தில் உள்ளார். 11 காளைகளை அடக்கிய அஜய் 2ம் இடத்தில் உள்ளார். ரஞ்சித் 7 காளைகளை அடக்கி 3ம் இடத்தில் உள்ளனர். 5ம் சுற்று முடிவில் 319 காளைகள் அவிழ்த்து விடப்பட்டுள்ளன. இதுவரை 16 பேர் காயம் அடைந்துள்ளனர்.
- 17 Jan 2023 11:12 AM IST
அலங்காநல்லூர் ஜல்லிக்கட்டு போட்டியின் 4-ம் சுற்று நிறைவு
அலங்காநல்லூர் ஜல்லிக்கட்டு போட்டியின் 4 சுற்று முடிவில் 12 காளைகளை அடக்கி அபி சித்தர் முதல் இடத்தில் உள்ளார். 9 காளைகளை அடக்கிய அஜய் 2ம் இடத்தில் உள்ளார். கோபாலகிருஷ்ணன் மற்றும் ரஞ்சித் ஆகியோர் தலா 7 காளைகளை அடக்கி 3ம் இடத்தில் உள்ளனர்.
17 Jan 2023 10:32 AM ISTபுறப்பட்டார் அமைச்சர் உதயநிதி ஸ்டாலின்
அலங்காநல்லூர் ஜல்லிக்கட்டு களத்தில் இருந்து புறப்பட்டார் அமைச்சர் உதயநிதி ஸ்டாலின்
- 17 Jan 2023 10:29 AM IST
அலங்காநல்லூர் ஜல்லிக்கட்டு போட்டியின் 3-ம் சுற்று நிறைவு
அலங்காநல்லூர் ஜல்லிக்கட்டு போட்டியின் 3-ம் சுற்று நிறைவு
அலங்காநல்லூர் ஜல்லிக்கட்டு போட்டியின் 3 சுற்று முடிவில் 9 காளைகளை அடக்கி சிவகங்கையை சேர்ந்த அபிசித்தர் முதல் இடத்தில் உள்ளார். 7 காளைகளை அடக்கி சித்தாலங்குடியை சேர்ந்த கோபாலகிருஷ்ணன் 2ம் இடத்தில் உள்ளார்.6 காளைகளை அடக்கி அஜய் குமார் 3ம் இடத்தில் உள்ளார்.
- 17 Jan 2023 9:50 AM IST
அலங்காநல்லூர் ஜல்லிக்கட்டு போட்டியின் 2 சுற்று நிறைவு
அலங்காநல்லூர் ஜல்லிக்கட்டு போட்டியின் 2 சுற்று முடிவில் 7 காளைகளை அடக்கி சித்தாலங்குடியை சேர்ந்த கோபாலகிருஷ்ணன் முதல் இடத்தில் உள்ளார். 4 காளைகளை அடக்கு அலங்காநல்லூரை சேர்ந்த தவமணி 2ம் இடத்தில் உள்ளார். 2ம் சுற்று முடிவில் 161 காளைகள் அவிழ்த்து விடப்பட்டன
- 17 Jan 2023 9:47 AM IST
அலங்காநல்லூர் ஜல்லிக்கட்டு போட்டியின் முதல் சுற்று நிறைவு
அலங்காநல்லூர் ஜல்லிக்கட்டு போட்டியின் முதல் சுற்று முடிவில் 3 காளைகளை அடக்கி சித்தாலங்குடியை சேர்ந்த கோபாலகிருஷ்ணன் முதல் இடத்தில் உள்ளார். 2 காளைகளை அடக்கி குறவன்குளத்தை சேர்ந்த செந்தமிழ் செல்வன் 2ம் இடத்தில் உள்ளார். முதல் சுற்று முடிவில் 62 காளைகள் அவிழ்த்து விடப்பட்டன.
- 17 Jan 2023 9:23 AM IST
வெளிநாட்டு சுற்றுலா பயணிகள்
அலங்காநல்லூர் ஜல்லிக்கட்டை போட்டியை ஆர்வமுடன் பார்த்து ரசிக்கும் வெளிநாட்டு சுற்றுலா பயணிகள்...!
- 17 Jan 2023 9:08 AM IST
தங்க மோதிரம் பரிசாக வழங்கப்படுகிறது
அலங்காநல்லூர் ஜல்லிகட்டில் முதல்வர் ஸ்டாலின், அமைச்சர் உதயநிதி உருவம் பொறித்த தங்க மோதிரம் பரிசாக வழங்கப்படுகிறது
- 17 Jan 2023 8:59 AM IST
ரெண்டு கொம்புக்கு நடுவே சிக்கிய வீரர்
ரெண்டு கொம்புக்கு நடுவே சிக்கிய வீரர்.. 1 நொடியில் உயிரே போயிருக்கும் - நேற்று நடந்ததை இன்று கண் முன் நிறுத்திய காட்சி
- 17 Jan 2023 7:50 AM IST
மாட்டு உரிமையாளருக்கு தங்க மோதிரம் பரிசு
அலங்காநல்லூர் ஜல்லிக்கட்டு போட்டியில் தஞ்சையை சேர்ந்த மாட்டு உரிமையாளருக்கு தங்க மோதிரத்தை பரிசாக அணிவித்தார் அமைச்சர் உதயநிதி ஸ்டாலின்
