புரோ கபடி லீக்; குஜராத் ஜெயண்ட்ஸ் அணியை வீழ்த்தி வெற்றி பெற்ற தெலுங்கு டைட்டன்ஸ்

புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கிய ஆட்டத்தில் தெலுங்கு டைட்டன்ஸ் - குஜராத் ஜெயண்ட்ஸ் அணிகள் மோதின. தொடக்கம் முதலே விறுவிறுப்பாக நடைபெற்ற இந்த ஆட்டத்தில் 36-32 என்ற புள்ளிக்கணக்கில் குஜராத் ஜெயண்ட்ஸ் அணியை வீழ்த்தி தெலுங்கு டைட்டன்ஸ் திரில் வெற்றி பெற்றது.

தொடர்ந்து இன்று நடைபெற்று வரும் மற்றொரு ஆட்டத்தில் தபாங் டெல்லி - அரியானா ஸ்டீலர்ஸ் அணிகள் ஆடி வருகின்றன.