மோட்டார் சைக்கிள் திருடியவர் சிக்கினார்

அரியாங்குப்பம்

தவளக்குப்பம்-கொருக்கமேடு சந்திப்பில் தவளக்குப்பம் போலீஸ் சப்-இன்ஸ்பெக்டர் பிரபு தலைமையில் போலீசார் வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிளில் வந்த வாலிபரை பிடித்து விசாரணை நடத்தினர்.

விசாரணையில் அவர், கடலூர் பனங்காட்டு காலனியை சேர்ந்த துரை (வயது 35) என்பதும், அவர் ஓட்டி வந்தது திருட்டு மோட்டார் சைக்கிள் என்பதும் தெரியவந்தது. இதையடுத்து அவரை கைது செய்த போலீசார் மோட்டார் சைக்கிளையும் பறிமுதல் செய்தனர்.