தனியார் நிறுவன ஊழியர் மீது தாக்குதல்

வில்லியனூர்

வில்லியனூர் அருகே கரிக்கலாம்பாக்கம் அண்ணாமலை நகர் பகுதியை சேர்ந்தவர் உமாபதி (வயது 36). ஏரிப்பாக்கம் பகுதியில் உள்ள தனியார் நிறுவனத்தில் வேலை பார்த்து வருகிறார். இவருக்கும், அதே நிறுவனத்தில் வேலை பார்க்கும் மணிகண்டன் என்பவருக்கும் முன்விரோதம் இருந்ததாக கூறப்படுகிறது.

சம்பவத்தன்று உமாபதி வீட்டுக்கு சென்று மணிகண்டன், அவரது தாய் ஆகியோர் தகராறு செய்தனர். இதில் ஆத்திரம் அடைந்த 2 பேரும் சேர்ந்து அவரை கட்டையால் தாக்கியதாக கூறப்படுகிறது. இதுகுறித்த புகாரின் பேரில் மங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.