மாணவர்களுக்கு கஞ்சா விற்ற 2 பேர் கைது

மூலக்குளம்

ரெட்டியார்பாளையம் லாம்பார்ட் சரவணன் நகரில் கல்லூரி மாணவர்களுக்கு கஞ்சா விற்பனை செய்யப்படுவதாக போலீசாருக்கு ரகசிய தகவல் கிடைத்தது. அதன்பேரில் ரெட்டியார்பாளையம் போலீஸ் சப்-இன்ஸ்பெக்டர் முருகன் தலைமையிலான போலீசார் அங்கு விரைந்து சென்று கஞ்சா விற்றுக்கொண்டிருந்த 2 பேரை கையும், களவுமாக மடக்கி பிடித்தனர்.

விசாரணையில் அவர்கள், அதே பகுதியை சங்கர் (வயது 24), அருண் (25) என்பதும், மாணவர்களை குறி வைத்து கஞ்சா விற்றதும் தெரியவந்தது. இதையடுத்து 2 பேரையும் போலீசார் கைது செய்தனர். அவர்களிடம் இருந்து 250 கிராம் கஞ்சா பொட்டலங்கள் பறிமுதல் செய்யப்பட்டது.