மக்களின் எதிர்பார்ப்புகளை பூர்த்தி செய்ய அனைத்து முயற்சிகளையும் காங்கிரஸ் மேற்கொள்ளும் என்று அக்கட்சியின் மாநில தலைவர் ரேவந்த் ரெட்டி தெரிவித்துள்ளார். வாக்களிக்க வருகை தந்த ரேவந்த் ரெட்டி செய்தியாளர்களிடம் பேசினார். அப்போது அவர் கூறியதாவது:- தெலுங்கானாவில் கடந்த 10 ஆண்டுகளாக கேசிஆர் ஆட்சியின் கீழ் விவசாயிகள் கடும் இன்னலுக்கு ஆளாகியுள்ளனர்.

இந்த தேர்தலில் முதல் முறையாக வாக்களிக்க இருக்கும் இளம் வாக்காளர்களிடம் எதிர்பார்ப்பது என்னவென்றால், தெலுங்கானாவின் எதிர்காலத்தை அவர்கள் முன்னெடுத்து செல்வார்கள் என்பதுதான். மக்களின் எதிர்பார்ப்புகளை பூர்த்தி செய்ய அனைத்து முயற்சிகளையும் காங்கிரஸ் மேற்கொள்ளும். தெலுங்கானாவில் 3 -ல் 2 பங்கு பெரும்பான்மையுடன் காங்கிரஸ் ஆட்சி அமைக்கும். பாரத் ஜோடோ யாத்திரைக்கு பிறகு தெலுங்கானாவில் பல்வேறு மாற்றங்கள் ஏற்பட்டுள்ளன. பாரதிய ராஷ்டிர சமிதி, பாஜக, ஏ.ஐ.எம்.ஐ.எம் ஆகிய கட்சிகள் இணைந்து காங்கிரஸ் கட்சியை தோற்கடிக்க முயற்சிக்கின்றன” என்றார்.