உலக செஸ் சாம்பியன்ஷிப்: 7வது சுற்று ஆட்டத்தில் குகேஷ் - லிரென் இன்று மோதல்

சிங்கப்பூர்,

இந்திய கிராண்ட்மாஸ்டர் குகேஷ், நடப்பு சாம்பியன் சீனாவின் டிங் லிரென் இடையிலான உலக செஸ் சாம்பியன்ஷிப் போட்டி சிங்கப்பூரில் நடந்து வருகிறது. 14 சுற்றுகள் கொண்ட இந்த போட்டியில் இதுவரை 6 சுற்றுகள் நிறைவடைந்துள்ளது. முதலாவது சுற்றில் லிரெனும், 3-வது சுற்றில் குகேசும் வெற்றி பெற்றனர். மற்ற சுற்றுகள் டிராவில் முடிந்தது.

தற்போது இருவரும் தலா 3 புள்ளிகளுடன் சமநிலையில் உள்ளனர். இந்நிலையில் இந்த போட்டியின் 7வது சுற்று ஆட்டம் இன்று நடைபெறுகிறது. மதியம் 2.30 மணிக்கு தொடங்கும் ஆட்டத்தில் குகேஷ் வெள்ளைநிற காய்களுடனும், லிரென் கருப்பு நிற காய்களுடனும் ஆடுகின்றனர். முதலில் 7½ புள்ளியை எட்டும் வீரர் உலக சாம்பியன் பட்டத்தை வெல்வார் என்பது குறிப்பிடத்தக்கது.