புரோ கபடி - குஜராத் அணியை வீழ்த்தி தமிழ் தலைவாஸ் வெற்றி

ஐதராபாத்,

11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்நிலையில், இந்த தொடரில் இன்று நடைபெற்ற ஆட்டத்தில் தமிழ் தலைவாஸ் - குஜராத் ஜெயண்ட்ஸ் அணிகள் மோதின . பரபரப்பான இந்த ஆட்டத்தில் தொடக்கம் முதல் தமிழ் தலைவாஸ் அணி சிறப்பாக விளையாடியது . இதனால் ஆட்ட நேர முடிவில் 44-25 என்ற கணக்கில் தமிழ் தலைவாஸ் அணி வெற்றி பெற்றது .