ஐ.எஸ்.எல்.கால்பந்து தொடர்; நார்த் ஈஸ்ட் யுனைடெட் அணியை வீழ்த்திய மோகன் பகான்

கவுகாத்தி,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இதில் கவுகாத்தியில் இன்று நடைபெற்ற லீக் ஆட்டத்தில் நார்த் ஈஸ்ட் யுனைடெட் அணி, மோகன் பகான் சூப்பர் ஜெயண்ட்ஸ் அணியை எதிர்கொண்டது.

இந்த போட்டியின் முதல் பாதியில் இரு அணிகளும் கோல் அடிக்க எடுத்த முயற்சிகளுக்கு பலன் கிடைக்கவில்லை. இதனால் முதல் பாதி ஆட்டம் கோல் ஏதுமின்றி முடிந்தது. தொடர்ந்து நடைபெற்ற 2வது பாதி ஆட்டத்தில் மோகன் பகான் அணி ஆதிக்கம் செலுத்தியது.

இதன் காரணமாக ஆட்டத்தின் 65 மற்றும் 71வது நிமிடங்களில் மோகன் பகான் அணி அடுத்தடுத்து இரு கோல்களை அடித்து அசத்தியது. இறுதியில் இந்த ஆட்டத்தில் 2-0 என்ற கோல் கணக்கில் நார்த் ஈஸ்ட் யுனைடெட் அணியை வீழ்த்தி மோகன் பகான் அணி வெற்றி பெற்றது.