ஐ.எஸ்.எல். கால்பந்து: பஞ்சாப்-நார்த் ஈஸ்ட் அணிகள் இன்று மோதல்

புதுடெல்லி,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. 11 நாட்கள் ஓய்வுக்கு பிறகு மீண்டும் இந்த போட்டித் தொடர் இன்று தொடங்குகிறது. இதில் டெல்லி நேரு ஸ்டேடியத்தில் இன்று மாலை 5.00 மணிக்கு நடைபெறும் லீக் ஆட்டத்தில் பஞ்சாப் எப்.சி.- நார்த் ஈஸ்ட் யுனைடெட் அணிகள் மோதுகின்றன.

இதுவரை 6 ஆட்டங்களில் ஆடி இருக்கும் பஞ்சாப் அணி 4 வெற்றி, 2 தோல்வி என 12 புள்ளிகளுடன் 6-வது இடத்தில் இருக்கிறது. நார்த் ஈஸ்ட் யுனைடெட் அணி 8 ஆட்டங்களில் 3 வெற்றி, 3 'டிரா', 2 தோல்வி என 12 புள்ளிகளுடன் 3-வது இடத்தில் உள்ளது.

இதைத்தொடர்ந்து கொல்கத்தாவில் இரவு 7.30 மணிக்கு நடக்கும் மற்றொரு ஆட்டத்தில் முன்னாள் சாம்பியன் மோகன் பகான் சூப்பர் ஜெயன்ட்ஸ் அணி, ஜாம்ஷெட்பூர் எப்.சி.யை சந்திக்கிறது.