
ஐ.பி.எல்.2025: புள்ளி பட்டியலில் அணிகளின் நிலை என்ன..?

நடப்பு ஐ.பி.எல். தொடரில் இதுவரை 11 லீக் ஆட்டங்கள் முடிவடைந்துள்ளன.
மும்பை,
10 அணிகள் பங்கேற்றுள்ள 18-வது ஐ.பி.எல். கிரிக்கெட் தொடர் இந்தியாவின் பல்வேறு நகரங்களில் சிறப்பாக நடந்து வருகிறது. இதில் இதுவரை 11 லீக் ஆட்டங்கள் முடிவடைந்துள்ளன.
இதன் முடிவில் ஐ.பி.எல். புள்ளி பட்டியலில் அணிகளின் தற்போதைய நிலையை இங்கு காணலாம்..!
2 போட்டிகளில் விளையாடி 2-லும் வெற்றி கண்டுள்ள ராயல் சேலஞ்சர்ஸ் பெங்களூரு, டெல்லி கேப்பிடல்ஸ் அணிகள் 4 புள்ளிகள் பெற்று சமநிலை வகித்தாலும் ரன்ரேட் அடிப்படையில் பெங்களூரு முதலிடத்திலும், டெல்லி 2-வது இடத்திலும் உள்ளது.
அடுத்த இடங்களில் தலா 1 வெற்றி பெற்ற நிலையில் ரன்ரேட் அடிப்படையில் லக்னோ 3-வது இடத்திலும், குஜராத் 4-வது இடத்திலும், பஞ்சாப் 5-வது இடத்திலும், கொல்கத்தா 6-வது இடத்திலும், சென்னை 7-வது இடத்திலும், ஐதராபாத் 8-வது இடத்திலும், ராஜஸ்தான் 9-வது இடத்திலும் உள்ளன.
ஒரு வெற்றி கூட பெறாத மும்பை இந்தியன்ஸ் புள்ளி பட்டியலில் கடைசி இடத்தில் (10-வது இடம்) உள்ளது.