வீடுகளை நோட்டமிட்ட வாலிபர் சிக்கினார்

கோட்டுச்சேரி

காரைக்கால் நகர போலீசார் நேற்று ரோந்து பணியில் ஈடுபட்டனர். அப்போது காரைக்கால் எம்.எம்.ஜி.நகர் 3-வது குறுக்குத்தெருவில் கொள்ளையடிக்கும் நோக்கில் வீடுகளை ஒருவர் நோட்டமிட்டு கொண்டிருந்தார். அவரை போலீசார் மடக்கி பிடித்து விசாரணை நடத்தினர். விசாரணையில் அவர், தஞ்சை மாவட்டம் சீனிவாசபுரத்தை சேர்ந்த கார்த்தி (வயது 24) என்பது தெரியவந்தது. இதையடுத்து அவரை போலீசார் கைது செய்தனர்.