மதுக்கடையில் திடீர் தீ விபத்து

பாகூர்

பாகூர் அருகே மதுக்கடையில் திடீரென தீ விபத்து ஏற்பட்டது.

மதுக்கடையில் தீ விபத்து

பாகூர் அருகே சோரியாங்குப்பத்தில் 10-க்கும் மேற்பட்ட மதுக்கடைகள் இயங்கி வருகிறது. இங்கு புதுவை மட்டுமின்றி தமிழகத்தைச் சேர்ந்த மது பிரியர்கள் ஏராளமானவர்கள் மது அருந்திவிட்டு செல்கின்றனர்.

இந்த நிலையில் நேற்று நள்ளிரவு சோரியாங்குப்பம் தனியார் மதுக்கடையில் உள்ள கேண்டீன் கீற்றுக் கொட்டாயில் திடீரென தீப்பிடித்து எரியத் தொடங்கியது. அப்போது கீற்றுக் கொட்டாய் எரிவதை கண்ட மதுக்கடை ஊழியர்கள் அதிர்ச்சி அடைந்தனர். பின்னர் இது குறித்து பாகூர் தீயணைப்பு நிலையத்திற்கு தகவல் தெரிவித்தனர்.

காரணம் என்ன?

பின்னர் சம்பவ இடத்துக்கு விரைந்து வந்த தீயணைப்பு வீரர்கள் தீயை அணைக்க முயற்சித்தனர். இருப்பினும் காற்று பலமாக அடித்ததால் ரூ.1 லட்சம் மதிப்பிலான கீற்றுக்கொட்டாய் முழுவதும் எரிந்து சாம்பலானது. சம்பவ இடத்திற்கு வந்த பாகூர் போலீசார், தீ விபத்து எப்படி நடந்தது? என மதுக்கடை ஊழியர்களிடம் விசாரணை நடத்தினர்.

மேலும் மதுக்கடையில் உள்ள கண்காணிப்பு கேமராவை ஆய்வு செய்து வருகின்றனர்.