குஜராத்: லாரி மீது பஸ் மோதியதில் 6 பேர் பலி

காந்திநகர்,

குஜராத்தின் பாவ்நகர் மாவட்டத்தில் இருந்து மஹுவா நோக்கி தனியார் பஸ் ஒன்று சென்று கொண்டிருந்தது. இன்று காலை 6 மணியாளவில் அந்த பஸ் திரபஜ் கிராமத்திற்கு அருகே சென்ற போது முன்னால் சென்ற லாரி மீது மோதியது.

இந்த கோர விபத்தில் 6 பேர் உயிரிழந்தனர் மற்றும் 10 பேர் காயமடைந்தனர். இந்த விபத்து குறித்து தகவலறிந்து சம்பவ இடத்திற்கு விரைந்து சென்ற போலீசார் உயிரிழந்தவர்களின் உடல்களை மீட்டு பிரேத பரிசோதனைக்காக அருகில் உள்ள மருத்துவமனைக்கு அனுப்பி வைத்தனர். மேலும் இந்த விபத்தில் காயமடைந்தவர்கள் மருத்துவமனையில் சிகிச்சை பெற்று வருவதாகவும், அவர்கள் அபாய கட்டத்தை தாண்டிவிட்டதாகவும் போலீஸ் அதிகாரி ஒருவர் தெரிவித்துள்ளார். இந்த சம்பவம் பற்றி போலீசார் வழக்குப்பதிவு செய்து விசாரணை நடத்தி வருகின்றனர்.