தங்கம் விலை இன்றும் சரிந்தது: நகைப்பிரியர்களுக்கு மகிழ்ச்சி

சென்னை,

தமிழகத்தில் கடந்த சில தினங்களாக தங்கம் விலை ஏற்றம், இறக்கம் கண்டு வருகிறது. 21-ம் தேதி தங்கத்தின் விலை சவரனுக்கு ரூ.320 சரிந்து ஒரு சவரன் ரூ.66,160க்கு விற்பனை செய்யப்பட்டது. கடந்த 22-ம் தேதி தங்கத்தின் விலை சவரனுக்கு ரூ.320 சரிந்து ஒரு சவரன் ரூ.65,840க்கு விற்பனை செய்யப்பட்டது.

வார துவக்க நாளான நேற்று 22 காரட் ஆபரண தங்கத்தின் விலை சவரனுக்கு ரூ.120 குறைந்து, ஒரு சவரன் ரூ.65,720க்கு விற்பனையானது. கிராமுக்கு ரூ.15 குறைந்து, ஒரு கிராம் ரூ.8,215க்கு விற்பனை செய்யப்பட்டது.இந்த நிலையில், தங்கம் விலை இன்றும் குறைந்துள்ளது. சென்னையில் ஆபரணத்தங்கத்தின் விலை சவரனுக்கு ரூ.240 குறைந்துள்ளது. ஒரு சவரன் ஆபரணத் தங்கம் இன்று ரூ.65,480 க்கு விற்பனை செய்யப்படுகிறது.