உலக கோப்பை கால்பந்து: அற்புத சாதனை நிகழ்த்திய அணி...!

தோகா,

இதுவரை நடந்துள்ள அனைத்து உலக கோப்பை போட்டிகளிலும் பங்கேற்றுள்ள ஒரே அணி பிரேசில் தான். அதிக முறை உலக கோப்பையை ருசித்த அணி (5 முறை) என்ற பெருமையும் உண்டு. பிரேசில் 109 ஆட்டங்களில் விளையாடி 73-ல் வெற்றியும், 18-ல் டிராவும், 18-ல் தோல்வியும் கண்டுள்ளது.

உலக கோப்பையில் இதுவரை 30 ஆட்டங்களில் பெனால்டி ஷூட்-அவுட் முறை கடைபிடிக்கப்பட்டுள்ளன. இதில் 1994, 2006-ம் ஆண்டு இறுதிப்போட்டிகளும் அடங்கும். அர்ஜென்டினா அதிகபட்சமாக 5 முறை பெனால்டி ஷூட்-அவுட்டில் விளையாடி இருக்கிறது.

அதிக முறை உலக கோப்பை போட்டிகளில் பங்கேற்று கோப்பையை வெல்லாத அணி மெக்சிகோ. தற்போது 17-வது முறையாக அடியெடுத்து வைக்கும் மெக்சிகோ கால்இறுதி சுற்றுக்கு மேல் சென்றதில்லை.