அவெஞ்சர்ஸ் டூம்ஸ்டேவை தொடர்ந்து வெளியாகும் டாம் ஹாலண்டின் 'ஸ்பைடர் மேன் 4'?

வாஷிங்டன்,

'அவெஞ்சர்ஸ் இன்பினிட்டி வார், அவெஞ்சர்ஸ் எண்ட்கேம்' உள்ளிட்ட படங்களை இயக்கிய ரூசோ பிரதர்ஸ் 'அவெஞ்சர்ஸ் டூம்ஸ்டே' என்ற படத்தை இயக்க உள்ளனர். இதில் ராபர்ட் டவுனி ஜுனியர் முக்கிய கதாபாத்திரத்தில் நடிக்கிறார்.

இப்படம் வரும் 2026-ம் ஆண்டு மே மாதம் 1-ம் தேதி வெளியாகும் என்று தெரிவிக்கப்பட்டுள்ளது. இந்நிலையில், அவெஞ்சர்ஸ் டூம்ஸ்டே வெளியாகி 2 மாதத்தில் டாம் ஹாலண்ட் நடிக்கும் ஸ்பைடர் மேன் 4 வெளியாகும் என்று தகவல் வெளியாகி உள்ளது.

அதன்படி, ஸ்பைடர் மேன் 4 2026-ம் ஆண்டு ஜூலை 24-ம் தேதி வெளியாகும் என்று கூறப்படுகிறது. அதேபோல், கிரிஸ்டோபர் நோலன் இயக்கத்தில் டாம் ஹாலண்ட் நடிக்க உள்ள படமும் அதே ஆண்டு ஜூலை 17-ம் தேதி வெளியாக உள்ளதாகவும் தகவல் வெளியாகி உள்ளது.