'வெனஸ்டே' சீசன் 2: ரிலீஸ் எப்போது? - வெளியான தகவல்

சென்னை,

அமெரிக்க 'கார்ட்டூனிஸ்டு' சார்லஸ் ஆடம்ஸ் உருவாக்கிய கதாபாத்திரங்களை கொண்டு எழுதப்பட்ட காமெடி, திரில்லர் வகை தொடர் 'வெனஸ்டே'. இதனை பிரபல இயக்குனர் டிம் பர்டன் இயக்கி இருந்தார்.

மொத்தம் 8 எபிசோடுகளை கொண்ட இந்த தொடர் கடந்த 2022-ம் ஆண்டு நெட்பிளிக்ஸ் தளத்தில் வெளியானது. ஜென்னா ஒர்டேகா முக்கிய கதாபாத்திரத்தில் நடித்திருந்த இந்த தொடர் நல்ல வரவேற்பை பெற்றது மட்டுமில்லாமல், 4 எம்மி விருதுகளையும் வென்றது.

இதையடுத்து, இதன் 2-வது சீசன் உருவாகி வருகிறது. இந்நிலையில், இதன் வெளியீட்டு தேதி குறித்த தகவல் வெளியாகி உள்ளது. அதன்படி, அடுத்த ஆண்டு செப்டம்பர் 2-ம் தேதி இந்த தொடர் வெளியாகும் என்று கூறப்படுகிறது.