விம்பிள்டன் டென்னிஸ்: அரைஇறுதியில் போபண்ணா-மேத்யூ எப்டென் ஜோடி தோல்வி

லண்டன்,

கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் தொடர் லண்டனில் நடந்து வருகிறது. இதில் ஆண்கள் இரட்டையர் பிரிவின் கால்இறுதியில் இந்தியாவின் ரோகன் போபண்ணா, ஆஸ்திரேலியாவின் மேத்யூ எப்டென் ஜோடி, நெதர்லாந்தின் கிரிக்ஸ்பூர்- பார்ட் ஸ்டீவன்ஸ் ஜோடியை வீழ்த்தி அரைஇறுதிக்கு முன்னேறியது.

இந்த நிலையில் இன்று நடைபெற்ற அரைஇறுதியில் ரோகன் போபண்ணா-மேத்யூ எப்டென் ஜோடி, நெதர்லாந்தின் வெஸ்லி கூல்ஹோஃப், பிரிட்டனின் நீல் ஸ்குப்ஸ்கி ஜோடியுடன் மோதியது. விறுவிறுப்பாக நடைபெற்ற இந்த போட்டியில் போபண்ணா-மேத்யூ எப்டென் ஜோடி 5-7, 4-6 என்ற செட் கணக்கில் வெஸ்லி-நீல் ஸ்குப்ஸ்கி ஜோடியிடம் வீழ்ந்து இறுதி போட்டிக்கு முன்னேறும் வாய்ப்பை இழந்தது.