ஜெனீவா ஓபன் டென்னிஸ்: கேஸ்பர் ரூட் காலிறுதிக்கு முன்னேற்றம்

ஜெனீவா,

பல முன்னணி வீரர்கள் பங்கேற்றுள்ள ஜெனீவா ஓபன் டென்னிஸ் தொடர் ஜெனீவாவில் நடைபெற்று வருகிறது. இதில் ஆண்கள் ஒற்றையர் பிரிவின் 4-வது சுற்று ஆட்டம் ஒன்றில் நார்வேயின் கேஸ்பர் ரூட், ஆஸ்திரியாவின் செபாஸ்டியனுடன் பலப்பரீட்சை நடத்தினார்.

பரபரப்பான இந்த ஆட்டத்தில் முதல் செட்டில் செபாஸ்டியன் வென்றார். தொடர்ந்து நடைபெற்ற செட்களில் ஆதிக்கம் செலுத்தி, சிறப்பாக விளையாடிய கேஸ்பர் ரூட் 4-6, 6-2, 6-2 என்ற செட்கணக்கில் வெற்றி பெற்று காலிறுதி சுற்றுக்கு தகுதி பெற்றுள்ளார்.