சர்வதேச டென்னிஸ்: ஸ்வியாடெக், அல்காரஸ் 'சாம்பியன்'

ஸ்டட்கர்ட்,

ஸ்டட்கர்ட் ஓபன் சர்வதேச டென்னிஸ் போட்டி ஜெர்மனியில் நடந்தது. இதில் நேற்று நடந்த பெண்கள் ஒற்றையர் இறுதி ஆட்டத்தில் 'நம்பர் ஒன்' வீராங்கனையும், நடப்பு சாம்பியனுமான இகா ஸ்வியாடெக் (போலந்து) 6-3, 6-4 என்ற நேர் செட்டில் 2-ம் நிலை வீராங்கனையான சபலென்காவை (பெலாரஸ்) வீழ்த்தி மகுடம் சூடினார். அவர் கைப்பற்றிய 13-வது பட்டம் இதுவாகும்.

இதே போல் ஸ்பெயினின் பார்சிலோனாவில் நடந்த பார்சிலோனா ஓபன் டென்னிசின் இறுதி ஆட்டத்தில் உலகின் 2-ம் நிலை வீரரும், நடப்பு சாம்பியனுமான கார்லஸ் அல்காரஸ் (ஸ்பெயின்), 5-ம் நிலை வீரர் சிட்சிபாசை (கிரீஸ்) எதிர்கொண்டார்.

இதில் தொடக்கம் முதலே ஆதிக்கம் செலுத்திய 19 வயதான அல்காரஸ் 6-3, 6-4 என்ற நேர் செட்டில் சிட்சிபாசை தோற்கடித்து கோப்பையை வசப்படுத்தினார். அவருக்கு சுமார் ரூ.4 கோடி பரிசுத்தொகையாக கிடைத்தது.